• Устав Републики Сербиї ((„Службени глашнїк РС”, число 98/06), ґарантує ровноправносц женох и хлопох и розвива политику єднаких можлївосцох (чл. 15.), забранює нєпоштредну и поштредну дискриминацию по гоч якей основи (чл. 21. пасус 3.), ґарантує право на єднаку судску защиту (чл. 21.), правну помоц (чл. 67.), право на регабилитацию и надополнєнє материялней або нєматериялней чкоди яка спричинєна зоз нєзаконїту або нєправилну роботу державних або других орґанох (чл. 35.), правну защиту шицких основних людских правох шицким гражданом и гражданком без дискриминациї, уключуюци и обрацанє ґу медзинародним институцийом з цильом защити заґарантованих правох (чл. 22. пасус 2.)

  • Виновни законїк ((„Службени глашнїк РС”, 85/2005, 88/2005 – випр. и 107/2005 – випр.), насилство у фамелиї дефинує як виновне дїло (чл. 194.) за хторе ше предвидзує пенєжну кару або гарешт до єдного рока, односно кару гарешта од трох мешацох до трох рокох у случаю чежших формох того виновного дїла; нєпочитованє вирекнутих мирох защити од насилства у фамелиї яки предвидзени зоз Фамелийним законом ше санкционує зоз пенєжну кару або гарештом до трох мешацох; силованє у малженстве ше тиж санкционує як виновне дїло (чл. 178.)

  • Законїк о виновним поступку („Сл. новини СРЮ”, число 70/2001 и 68/2002, „Службени глашнїк РС”, число 58/2004, 85/2005 и 49/2007), ґарантує окремну защиту жертвом, очкодованим и шведком под час виновного поступку, окреме малолїтних особох (чл. 101, 102, 109. и 292.)

  • Фамелийни закон („Службени глашнїк РС”, число 18/2005), дефинує насилство у фамелиї як „справованє з яким єден член фамелиї загрожує тїлесни интеґритет, душевне здравє або спокойносц другого члена фамелиї” (чл. 197.), предвидзує мири защити хтори суд овласцени принєсц у окремним поступку (чл. 198.), як и специялизовани судски ради (чл. 203.)

  • Закон о явном шоре и мире („Службени глашнїк РС”, число 51/92, 53/93, 67/93, 48/94, 101/05), ше применює у потуповим поступку у случайох насилства у фамелиї (чл. 6. пасус 1, 2. и 3.)

  • Закон о малолїтних зробительох виновних дїлох и виновноправней защити малолїтних особох („Службени глашнїк РС”, число 85/2005), облапя окремни одредби о защити малолїтних особох хтори ше у виновним поступку зявюю у свойстве очкодованих

  • Закон о програми защити учашнїкох у виновним поступку („Службени глашнїк РС”, число 85/2005), предвидзує мири за защиту живота, здравя, физичного интеґритету, шлєбоди и маєтку учашнїкох у виновним поступку, односно защиценей особи

  • Закон о вивершеню виновних санкцийох („Службени глашнїк РС”, число 85/2005)

  • Закон о полициї („Службени глашнїк РС”, число 101/2005)

  • Закон о оружию и мунициї („Службени глашнїк РС”, число 9/92, 55/93, 67/93, 48/94, 44/98, 39/2003, 101/2005 – др. закон и 85/2005 – др. закон), онєможлївює видаванє одобреня за набавянє огньового оружия особи хтора осудзована за виновни дїла силованя и насилного справованя и процив хторей ше водзи виновни поступок (чл. 8.).