ЗАЩИТА

Важне себе защициц. Кед сце физично нападнути, або вам живот у опасносци пре гроженя, сцекнїце до просториї хтору мож замкнуц або до сушедових. Попробуйце гласно поволац дакого до помоци, лопотайце и доволайце сушедох хтори можу интервеновац и поволац полицию. Кед сце замкнути, попробуйце през облак дац даяки знак преходнїком у якей сце ситуациї (волайце до помоци або напишце дацо на склу же би преходнїки обачели же вам треба помоц).

Понеже ше насилство нє случує першираз, поведзце сушеди же кед чує лопот, галайк и подобне, най такой повола полицию.

Воланє полициї

Полиция уведла специялизоване число за жени хтори ше находза у ситуациї насилства 0800 100 600. Поволанка на тото число безплатна.

Поволайце полицию у вашей општини, або обще число 192. Поведзце им цо ше случело и дайце точну адресу, число квартеля, уход, поверх, а кед ше роби о квартелю у дворе и подобне, надпомнїце им то. Кед насилнїк ма оружиє або орудиє (шекеру, пиштоль, нож, палїцу, бейзбол палїцу), або є и скорей осудзовани, обовязно то наглашце.

Попробуйце описац способ малтретованя до детальох. Кед насилнїк сцекнул, поведзце то полициї. Полиция вас може защициц од опасносци у тим моменту. Вони нє муша привесц насилнїка, алє го можу лєм опомнуц. Кед полиция придзе, нє допущце же би лєм насилнїк бешедовал. Укажце им поклїчени места, кед их єст. Инсистуйце же би полиция порушала поступок процив насилнїка – потупови и виновни поступок. Запишце мено и число телефона полицайох хтори приходзели же бисце ше информовали цо подняли або их предложце за шведкох. Кед полицає жадаю привесц насилнїка, нє зоперайце их (прето же го сануєце бо плаче, модлї вас и дзеци же бисце му помогли и под.).

Запаметайце

Насилнїка нє оправдуйце и нє защицуйце (вистати є, нє роби, нервозни є) – нїхто нє шме нїкого малтретовац – за малтретованє нєт оправданя!